English

Newyddion


gwyl cefniCapsiwl amser

Bu i ddisgyblion Ceint 2 weithio ar brosiect creu capsiwl amser gyda Griffiths civil engineering and construction. Bu i'r disgyblion gasglu eitemau ac ysgrifennu straeon i'r capsiwl yna ei gladdu ar y safle ble mae'r lon newydd yn Llangefni.


gwyl cefniGlynllifon

Yn ystod y miseodd diwethaf, mae dosbarth Ceint 3 wedi bod yn ymweld a Pharc Glynllifon yn wythnosol. Mae’r criw wedi mwynhau profiadau eang yn amrywio o sesiynnau ‘Touch Trust’, plannu, crwydro o amgylch y parc i ddysgu am natur, yn ogystal a tripiau i’r traeth. Gwych oedd gweld y disgyblion yn mwyhau ac yn archwilio eu synhwyrau.


gwyl cefniRSPB

bu dosbarth Cynradd 4 a Cynradd 1b yn mwynhau ymweliad yng Ngwarchodfa Natur RSPB Conwy mis yma. Cawsant gyfle i grwydro’r llwybrau i chwilio am natur yn ogystal a phlannu hadau a darganfod trychfilod yn y pyllau dwr. Roeddynt wedi mwynhau yn fawr iawn. Llun o Rio yn plannu hadau.


gwyl cefniCelf a Chrefft

Yn dilyn y llwyddiant ysgubol yng nghystadleuaeth Celf a Chrefft yr Urdd ar Ynys Mon, aeth gwaith y disgyblion ymlaen i’r Eisteddfod ym Men y Bont ar Ogwr. Yno cafwyd 7 – 1af, 3- 2ail a 2- 3ydd. Llongyfarchiadau enfawr i’r holl ddisgyblion. Talent amlwg ymysg ein haeoldau. Dyma lun o Danial a Sienna yn falch iawn o’u llwyddiant.


gwyl cefniGwyl Cefni 2017

Dewch yn llu i gefnogi Band Samba'r ysgol yng Ngwyl Cefni eleni.

Cliciwch yma am fwy o wybodaeth


cerddYmweliad gan Dri Cerddor Proffesiyniol

Cafwyd ymweliad gan dri cerddor proffesiyniol yn ystod tymor y gwanwyn. roedd y disgyblion I gyd wedi mwynhau gwrando arnynt yn y gwasanaeth, hefyd cafodd rhai o'r disgyblion gydweithio gyda'r gantores Opera, clarinet a Pianydd o Gaerdydd yn y gwersi cerdd.


celf a chrefftCelf a chrefft yr Urdd

Llongyfarchiadau i holl ddisgyblion yr ysgol ddaeth yn llwyddiannus yn nghystadleuaeth celf a chrefft yr Urdd eleni. Yn yr Eistddfod cylch derbynodd yr ysgol 19 - 1af, 10 - ail, a 6 - 3ydd. Pob lwc i’r disgyblion yn y rownd derfynnol yn Eisteddfod Genedlaethol yr Urdd.

Yn ogystal derbynodd yr ysgol darian am yr ysgol oedd wedi derbyn y niferoedd mwyaf o bwyntiau yn y gystadlaeaeth - llongyfarchiadau enfawr i bawb.


comic reliefComic Relief

Llwyddodd yr ysgol i gasglu £161 tuag Comic Relief. Daeth y disgyblion ag arian i mewn i wisgo dillad eu hunain, a cafwyd ‘bake off’ gyda pob dosbarth yn cystadlu i wneud y gacen orau. Da iawn i dosbarth Canol am ddod yn llwyddiannus.


masnach degMasnach Deg

Cawsom wasanaeth masnach Deg gan Lis Perkins yn ystod pythefnos Masnach deg mis Mawrth. Yn ogystal daeth Lis a siop bach i mewn gyda danteithio a chrefftau i’r disgyblion gael eu prynu.

STAFF CAYBStaff CAYB yn Cefnogi Diwrnod Awtistiaieth Cenedlaethol


Ysgol Masnach Deg

ysgol masnach degLlongyfarchiadau i'r ysgol am lwyddo I gadw eu statws 'Ysgol Masnach Deg'. mae'r ysgol wedi llwyddo I wneud hyn drwy gynnal gwahanol wasanaethau Masnach Deg, defnyddio nwyddau Masnach Deg yn y gwersi coginio, defnyddio adnoddau Masnach Deg I ddysgu am ddaearyddiaeth a sut I fod yn gyfartal. Diolch I Lis Perkins sydd bellach yn ffrind i'r ysgol ac am ddod gyda'i siop bob tymor I werthu nwyddau a danteithion Masnach Deg.


Dydd Gwyl Ddewi

pupilsBuodd y disgyblion yr ysgol yn dathlu Dydd Gwyl Ddewi drwy gymryd rhan mewn gwasanaeth yn yr ysgol. roeddynt hefyd wedi bod yn creu crefftau cymreig a choginio melysion. roedd pawb wedi gwneud ymdrech I wisgo eu dillad coch


Gymnasteg

pupilsAr ddydd Llun 13 Chwefror Cymerodd disgyblion rhan mewn cystadleuaeth gymnasteg. Mae'r gystadleuaeth yn cael ei chynnal yn flynyddol ac yn cael ei redeg gan Gymdeithas Gymnasteg Cymru a Tîm Anabledd Chwaraeon Cymru.

Roedd y disgyblion wedi mwynhau cystadlu yn 3 gweithgaredd - Llawr, Folt a Mainc. Roedd disgyblion yn cystadlu yn erbyn disgyblion Ysgol Pendalar, Gogarth, Ysgol Gyfun Llangefni ac Ysgol y Graig. Roedd 13 o’r ddisgyblion yn llwyddiannus yn eu categorïau, byddant yn awr yn cystadlu yn y Bala, lle byddant yn cynrychioli eu rhanbarth yn y Rowndiau Terfynol Cenedlaethol.


Twrnament Bowlio Deg

pupilsBu criw Canol draw ym Mrhestatyn er mwyn cynrychioli’r ysgol mewn cystadleuaeth bowlio deg. Da iawn i Lowri a Ioan am gael strike!

Cliciwch yma i weld mwy o luniau


Teithio

pupilsFel rhan o’n thema teithio mae Canol wedi bod yn edrych ar wahanol fathau o drafnidiaeth, yn ddiweddar cawsom fynd ar ymweliad ar gwch ‘adventurer’ Stena yn Gaergybi. Roedd y disgyblion wrth eu bodd yn cael cyfarfod a gweld gwaith captain John.

pupilsMae Cynradd 4 wedi bod yn canolbwyntio ar y ffyrdd gwahanol o deithio ar y tir ac yn y môr. Aethom ni i’r ganolfan RNLI yn Moelfre i weld sut fath o waith maent yn ei wneud i helpu eraill, a sut maent yn teithio.


Diogelwch y Ffordd

pupilsYn ystod yr wythnosau diwethaf mae dosbarth Canol wedi bod yn dysgu am reolau croesi’r ffordd gyda Ceri Williams o’r Cyngor Sir. Mae’n siwr bod rhai wedi ein gweld yn cerdded ar y ffordd ar fore Gwener yn ein cotiau melyn llachar. Diolch yn fawr iawn i Ceri am y sesiynnau, mae pawb wedi mwynhau yn fawr.


Blwyddyn Newydd Tseiniaidd

disgyblionBu rhai o ddisgyblion yr ysgol yn dathlu blwyddyn newydd y tseiniaid y flwyddyn yma. cawsant hwyl yn gwneud gwaith celf o bob math, roedd rhai dosbarthiadau yn gwneud bwydydd tseiniaidd yn yn gwersi coginio.

Cafodd dosbarth Cynradd 5 a Cynradd 3 fod yn rhan o orymdaith oamgylch yr ysgol gyda draig fawr tseiniaidd a drymiau, roedd y dosbarthiadau eraill I gyd wrth ei boddau yn cael dod allan o'r dosbarthiadau i'w gweld.

Roedd y ddau ddosbarth hefyd yn lwcus iawn I gael blasu bwyd tseiniaidd. diolch yn fawr iawn I Hoo Chung, Llangefni am gyfranu yr holl fwyd, roedd yn flasus dros ben.

Cliciwch yma i weld mwy o luniau


Siop Elusen

Yn dilyn llwyddiant y siop elusen y flwyddyn ddiwethaf, mi fydd dosbarth Ceint 3 yn rhedeg y siop eto eleni yng Nghaergybi. Mae’r fenter yn caniatáu i’r disgyblion ennill profiad gwerthfawr ac ar yr un pryd yn casglu arian i’r ysgol. Byddwn yn ddiolchgar iawn am unrhyw gyfraniad megis esgidiau, llyfrau, dillad, gemau, teganau neu lestri. Bydd y siop ar agor yn ystod Mis Mawrth.


Ysgol Arweiniol creadigol

disgyblionYn dilyn cael ein dewis fel Ysgol Arweiniol Creadigol y llynedd, mae’r prosiect yn awr wedi cychwyn. Cafwyd diwrnod cyntaf prysur llawn cyffro gyda’r actores Rhian Cadwaladr a Tom Cockbill o Wild Elements. Themâu'r prosiect yw teithio ac yn ystod y tymor nesaf bydd y disgyblion yn cael profi nifer o wahanol weithgareddau yn cynnwys darllen a gwrando ar storiâu, sesiynau dod i adnabod, gwaith celf a chrefft ac adeiladu. Byddent yn gweithio tuag at greu ardal weithio y tu allan yn yr ardd wyllt hefyd. Mae’r staff a’r disgyblion yn awyddus iawn i gymryd rhan yn y prosiect a chael cydweithio gydag asiantaethau allanol. Mae’n gyfle gwych i ddatblygu hyder, sgiliau cyfathrebu a chreadigrwydd.


Cyngor ysgol

disgyblionMae’r cyfarfod cyntaf wedi ei gynnal gydag aelodau newydd y Cyngor ysgol. Bu’r disgyblion yn rhannu syniadau ac yn mynegi barn am yr hyn yr hoffent ei weld yn digwydd yn yr ysgol yn ystod y tymor nesaf.


Tŷ Gobaith

Yn dilyn llwyddiant ysgubol y cyngerdd Nadolig, roedd Canolfan Addysg y Bont yn medru cyfrannu £650 i Dŷ Gobaith eleni. Fel cwmni cofrestredig mae’n ofynnol iddynt godi £6 miliwn y flwyddyn yma er mwyn gallu cefnogi’r plant a’r teuluoedd sydd mewn angen. Rydym yn falch iawn fel ysgol o fod wedi medru helpu.

Celf a Chrefft yr Urdd

disgyblionLlongyfarchiadau mawr i’r disgyblion ddaeth yn llwyddiannus yng nghystadleuaeth Celf a Chrefft yr Urdd, Rhanbarth Ynys Môn. Roedd pob darn o waith oedd wedi cael eu cyflwyno wedi bod yn llwyddiannus. Yn dilyn hynny roedd y mwyafrif o’r gwaith aeth drwodd i Eisteddfod Sir y Fflint wedi bod yn llwyddiant hefyd. Cafwyd 6 - 1af, 3 - ail, a 2 - trydydd. Roedd Miss Fretwell yr athrawes gelf yn hynod falch o’r disgyblion i gyd, ac yn mwynhau gweld y talent creadigol yn cael ei amlygu ymhellach na waliau’r ysgol.


Beacon Center

Fel rhan o waith Dug Caeredin mae rhai o ddisgyblion uwchradd wedi cael cyfle i fynd I Ganolfan Beacon yng Nghaernarfon. Yma, mae’r disgyblion yn cael y cyfle i ddringo’r waliau a cael cyngor gwerthfawr gan yr arweinwyr. Maent wedi mwynhau dysgu sut i ddefnyddio rhaffau yn ddiogel a sut i weithio fel tîm. Dywedodd eu hathro Gethin Thomas fod hi’n bleser gweld y plant yn mwynhau ac yn datblygu hyder o wythnos i wythnos.


Gweithdy Celf

disgyblionMae dosbarth Canol a Cynradd 5 wedi bod yn mynychu gweithdai celf yn Oriel Ynys Môn. Maent yn gweithio ar y cyd gyda’r arlunydd Manon Awst i ddatblygu eu sgiliau dylunio i greu darnau o waith creadigol yn seiliedig ar arddangosfa Kyffin Williams.


Llywelyn Ifan Jones

telynFel rhan o Brosiect ‘Live music Now’ cawsom ymweliad gan Llywelyn Ifan Jones, y telynor talentog. Bu’n cynnal gweithdy telyn gyda’r dosbarthiadau cynradd ac uwchradd. Cafodd y disgyblion gyfle i wrando ar Llywelyn yn chwarae gwahanol ddarnau, a chawsant gyfle i chwarae gwahanol fathau o delynau. Braf oedd cyfarfod Llywelyn a gwrando a rai storiâu o’r byd cerdd clasurol.


Wythnos Wyddoniaeth

disgyblionCafwyd wythnos llawn gweithgareddau gwyddonol yng Nghanolfan Addysg y Bont mis yma. Roedd y disgyblion ar draws yr ysgol wedi mwynhau y ‘carwsel gwyddoniaeth’ yn fawr iawn. Cawsant brofiadau amrywiol megis dysgu am y galon, arbrofi gyda gwahanol weadau megis cornflour a dwr, magnedau, bybls a llawer mwy. Roedd yn brofiad gwych cael mynd i mewn i ‘dôm’ y Starlab i edrych ar y sêr a’r planedau hefyd.


Masnach Deg

pobl a disgyblionFel rhan o ddathliadau pythefnos Masnach Deg 2016, aeth dosbarth Cynradd 5 ati i drefnu diwrnod i gefnogi’r digwyddiad. Bu’r dosbarth yn brysur yn ysgrifenu gwahoddiadau i bobl megis Rhun Ap Iorweth i ddod y ymuno a ni yn yr ysgol, yn ogystal phobl eraill adnabyddus. Roeddent wedi addurno caffi’r ysgol gyda posteri, gwneud cacenau masnach deg, cyflwyno gwasanaeth i weddill yr ysgol, a chreu crefftau gan ddefnyddio ffabrig masnach deg. Daeth ein ffrindiau o Ysgol Parc y Bont i gael diod a chacen gyda ni ac i gydweithio ar y crefftau. A cafodd yr ysgol i gyd gyfle i brynu rhywbeth o’r siop Masnach Deg oedd yn cael ei rhedeg gan Mrs Lis Perkins, sydd bellach yn ffrind da i’r ysgol. Diolch yn fawr iawn i bawb oedd yn rhan o’r diwrnod.


Gymnasteg

Llongyfarchiadau mawr iawn i’r holl ddisgyblion oedd wedi cymryd rhan yng Nghystadleuaeth Gymnasteg Rhanbarthol y flwyddyn yma. Cafwyd diwrnod gwych yn yr ysgol, gyda disgyblion o ysgolion cynradd eraill yn ymuno i gystadlu, a’r buddugwyr yn cael mynd ymlaen i’r rownd nesaf yn Bala.


Pontio

Yn dilyn agoriad adeilad newydd Pontio ym Mangor, bu rhai o aelodau yr ysgol yn lwcus iawn i gael bod yn rhan o berfformiad ‘Mae na Le’ ar y cŷd gyda NoFit State circus. Roedd yr awyrgylch yn Pontio yn ystod y perfformiad yn anhygoel ac yn llawn cyffro. Ymunodd pobl ifanc o Ysgol Glanadda, Glancegin, Hirael a'r Friars gyda Canolfan Addysg y Bont i gymryd rhan mewn sioe a oedd yn ymwneud â adloniant ac arswyd. Profiad gwych i’n disgyblion gael ymwneud gyda perfformwyr o’r fath safon. Cliciwch yma i ddarllen adolygiad.


Wythnos Gyrfaoedd – Siop Elusen

posterBu dosbarth Ceint 3 yn hynod o brysur wythnos diwethaf yn siop elusen yr ysgol yng Nghaergybi. Roedd yn gyfle gwych i’r disgyblion gael profiad o weithio mewn siop, datblygu sgiliau cyfathrebu a thrin arian. Llwyddodd y criw gasglu £511 yn y siop, da iawn chi! Hoffai’r disgyblion a staff ddiolch i bawb am gefnogi.


Wyau Pasg

posterDiolch yn fawr iawn i Anglesey Motorcycle club a Novus Solution, Llandegai am gyfrannu wyau pasg i bob disgybl yng Nghanolfan Addysg y Bont. Roedd y disgyblion i gyd yn ddiolchgar iawn ac wrth eu bodd.


Dathu Dydd Gŵyl Dewi gyda Canolfan Addysg y Bont

logosMae amryw o ddisgyblion yr ysgol wedi bod yn gweithio gyda'r crochenydd John Fairbairn i greu broch daffodil deniadol iawn.

Diolch i Siop Cain yn Llangefni,(www.cainonline.co.uk) Beaumaris Jewellery Studio (www.beaumarisjewellery.com) and 'Ena's newsagent ' yn Biwmares am werthu ar ein rhan.



Bywyd Gwyllt

posterMae dosbarth Ceint 3 yn gweithio ar brosiect yn ymwneud a bywyd gwyllt yn y gymuned fel rhan o’u gwaith OCN. Maen’t wedi bod yn ymweld a Tyddyn Mon am syniadau a chael cyfle i blannu blodau a gwneud pot blodau allan o glai. Mae Jewsons wedi bod yn hael iawn drwy gyfranu deunyddiau fydd yn caniatau i ni adeiladu tai adar allan o bren, diolch yn fawr iawn iddynt. A hefyd i diolch yn i Farm & Pet, Llangefni am yr hadau adar.
Bydd Canolfan Addysg Y Bont yn siwr o fod yn gartref diogel i niferoedd o anifeiliaid gwyllt Llangefni.


Siop Elusen

Bydd yr ysgol yn rhedeg siop elusen yng Nghaergybi o’r 7fed o Fawrth ymlaen. Galwch draw am fargen i’r siop yn ganol y dref.


Diolch

posterDiolch yn fawr i Mrs Ann Jones, nain Thomas Martland am ei rhodd caredig i’r ysgol er cof am ei gwr.


Canolfan ailgylchu Penhesgyn

posterFel rhan o'u gwaith ar ddatblygiad chynaliadwy a dinasyddiaeth fyd-eang, cafodd dosbarth cynradd 5 ymweld a chanolfan ailgylchu Penhesgyn, ger Porthaethwy.

Roedd yn brofiad gwych i'r disgyblion ddatblygu eu dealltwriaeth am ailgylchu, a dysgu ffeithiau bach diddorol am sut mae posib defnyddio'r eitemau ar ol cael eu prosesu. e.e mae digon o aur mewn 50 ffon symudol I wneud modrwy priodas! a gellir gwneud siwmper ysgol gyda 50 o boteli plastig wedi'w hailgylchu!

Derbynnodd y disgyblion Y Llyfr Celf a Chrefft Gynaliadwy hefyd, sydd yn llawn syniadau am sut I greu crefftau gan ail-ddefnyddio eitemau yn y cartref ac arbed arian yr un pryd.

Diolch yn fawr iawn I staff y ganolfan am eu hamser!

Cliciwch yma i weld mwy o luniau


Arddangosfa yn Oriel Ynys Môn

posterMae gwaith disgyblion yr ysgol yn cael ei arddangos yn Oriel Ynys Môn hyd at fis Mehefin. Galwch draw i weld gwaith lliwgar gan amrywiaeth o ddosbarthiadau, sy’n cynwys collage, paentiadau, crochenwaith a mwy.


Ser Bach

posterRoedd rhai o ddisgyblion CAYB yn lwcus iawn i fynd i ymweld a Meithrinfa Ser Bach, Llangefni. Cafwyd croeso cynes iawn gan Mrs Cheryl Thomas, cyn athrawes o’r ysgol. Braf gweld fod ei menter newydd yn llwyddiant.


Ysgol Parc Y Bont

posterCawsom ymweliad gan disgyblion a staff Ysgol Parc Y Bont, Llanddaniel. Bydd yr ysgol yn dod i ymweld a’m hysgol unwaith y mis i gydweithio gyda ni. Bydd yn gyfle gwych i’r ddwy ysgol ddatblygu perthynas ac i‘r disgyblion wneud ffrindiau newydd.


Pili Palas

Mae disgyblion Canol a rhai ddisgyblion blwyddyn 9 Ysgol Gyfun Llangefni yn uno gyda’u gilydd i weithio ar brosiect celf. Dros y misoedd nesaf mae’r ddwy ysgol yn rhannu syniadau, ymweld a’u gilydd a chyd-weithio i greu darn o waith celf fydd yn cael ei arddangos yn y ddwy ysgol. Buodd y grwp ar ymweliad i Pili Palas i gael cyfle i luniadu o’r byw fel cychwyn ar y proseict. Roedd pawb wedi mwynhau yn fawr, ac mae disgyblion Y Bont yn awyddus iawn i gael gweithio gyda’u ffrindiau newydd eto a chael ymweld a’r Ysgol Gyfun.


Diolch

Hoffwn fel cymuned ddiolch i deuluoedd Williams Thomas Jones (Gaerwen) ac Anita May Jones (Llangefni) am y rhodd caredig i’r ysgol yn ddiweddar yn dilyn cysylltiadau cynhebrwng.

Arddangosfa yn Oriel Ynys Môn

posterMae gwaith disgyblion yr ysgol yn cael ei arddangos yn Oriel Ynys Môn hyd at fis Mehefin. Galwch draw i weld gwaith lliwgar gan amrywiaeth o ddosbarthiadau, sy’n cynwys collage, paentiadau, crochenwaith a mwy.


Ser Bach

posterRoedd rhai o ddisgyblion CAYB yn lwcus iawn i fynd i ymweld a Meithrinfa Ser Bach, Llangefni. Cafwyd croeso cynes iawn gan Mrs Cheryl Thomas, cyn athrawes o’r ysgol. Braf gweld fod ei menter newydd yn llwyddiant.


Ysgol Parc Y Bont

posterCawsom ymweliad gan disgyblion a staff Ysgol Parc Y Bont, Llanddaniel. Bydd yr ysgol yn dod i ymweld a’m hysgol unwaith y mis i gydweithio gyda ni. Bydd yn gyfle gwych i’r ddwy ysgol ddatblygu perthynas ac i‘r disgyblion wneud ffrindiau newydd.


Pili Palas

Mae disgyblion Canol a rhai ddisgyblion blwyddyn 9 Ysgol Gyfun Llangefni yn uno gyda’u gilydd i weithio ar brosiect celf. Dros y misoedd nesaf mae’r ddwy ysgol yn rhannu syniadau, ymweld a’u gilydd a chyd-weithio i greu darn o waith celf fydd yn cael ei arddangos yn y ddwy ysgol. Buodd y grwp ar ymweliad i Pili Palas i gael cyfle i luniadu o’r byw fel cychwyn ar y proseict. Roedd pawb wedi mwynhau yn fawr, ac mae disgyblion Y Bont yn awyddus iawn i gael gweithio gyda’u ffrindiau newydd eto a chael ymweld a’r Ysgol Gyfun.


Diolch

Hoffwn fel cymuned ddiolch i deuluoedd Williams Thomas Jones (Gaerwen) ac Anita May Jones (Llangefni) am y rhodd caredig i’r ysgol yn ddiweddar yn dilyn cysylltiadau cynhebrwng.


Sioe Nadolig

Cawsom sioe Nadolig lwyddiannus iawn eto yn Nghanolfan Addysg Y Bont. Roedd perfformiad y disgyblion yn werth chweil, gyda dros 500 o bobl yn dod i wylio yn ystod y ddau berfformiad. Hefyd roedd ffair greffau liwgar yn llawr danteithion a chrefftau deniadol. Diolch i’r holl staff am eu gwaith caled ac i bawb am gefnogi.


Arddangosfa yn Oriel Ynys Môn

posterBydd arddangosfa o waith celf disgyblion CAYB yn cael ei arddangos yn Oriel Ynys Môn, Llangefni o fis Ionawr hyd ar fis Mehefin 2016. Mae amrywiaeth o waith gan ddisgyblion ar draws yr ysgol yn cynwys crochenwaith, darluniau, paentiadau a chollage.

 


Masnach Deg

Lis efo plentyn a nwyddauDiolch yn fawr iawn I Lis Perkins am ei hymweliad yn ystod y mis. Death Lis I mewn I wneud gwasanaeth Masnach Deg gan gyflwyno pel droed I’r ysgol am lwyddo I dderbyn statws Masnach Deg. Cafodd y disgyblion I gyd gyfle i siopa yn stondin Masnach Deg hefyd.


Rhodd Piano

Daeth Nadolig yn gynnar I ddysgyblion Canolfan Addysg y Bont wythnos diwethaf pan rhoddwyd piano drydanol am ddim ir ysgol. Cysylltodd Steve a Jacqui Monaghan a’r ysgol yn cynnig piano digidol KORG I’r adran gerdd. Mi fydd y biano yn cael ei gosod yn yr adran 14-19 ac mi fydd yn gyfle I ddisgyblion ac athrawon ei defnyddio. Diolch yn fawr iawn I Steve a Jaqui.


Waitrose

3 women and 3 childrenOs ydych yn galw heibio Waitrose, Porthaethwy dros y Nadolig. Cymerwch gip-olwg yn y caffi i edmygu gwaith celf rhywfaint o’n disgyblion. Mae’r gwersi celf yn fwrlwm o brysurdeb a lliw drwy’r flwyddyn, ac rydym yn ddiolchgar iawn i Waitrose am y cyfle i arddangos rhywfaint o’r campwaith.


Ymweliad Cwmni Clen

3 person a 3 plentynBuodd Canolfan Addysg y Bont yn lwcus iawn i gael ymweliad gan ferched Cwmni Clen rhai wythnosau yn ol. Mae Cwmni Clen yn gwmni newydd sy’n arbennigo mewn gweithdai Makaton i bobl ifanc ac i oediolion. Cafodd disbyblion CAYB gyfle i ddangos eu doniau drwy ganu tair can iddynt. Roedd y plant wrth ei boddau yn dangos ei sgiliau Makaton i Cwmni Da.


Bocsys Nadolig

plantMae dosbarthiadau Cynradd 5 a Canol wedi bod yn brysur yn prynu nwyddau a pharatoi bocsys o anrhegion Nadolig i’w gyrru i blant bregus yn Romania. Aethpwyd a’r bocsys i Ysgol Gyfun Llangefni, ble roedd y bocsys yn cael eu casglu gan Teams4U, sy’n cefnogi cymunedau ar draws y byd.


Plant Mewn Angen

plant a phoblMae dosbarth Canol wedi bod yn brysur yn trefnu gweithgareddau i Plant Mewn Angen. Cawsom ddiwrnod gwych a chodwyd £402.37 trwy werthu cacennau, breichledau, paentio wyneb ac gwisgo dillad eu hunain neu wisg ffansi. Cymerodd staff ran drwy gael diwrnod gwallt gwallgo. Diolch yn fawr iawn i bawb am eu cefnogaeth


Gwyddoniaeth

Fel rhan o waith ymchwil Gwyddoniaeth Cynradd 5 cafwyd ymweliad buddiol a chroesawgar iawn yn Fferam y Llan, Llangristiolus. Buodd y disgyblion yn brysur iawn yn sgwrsio gyda'r ffarmwr i ddarganfod ble roedd llaeth yn dod o ag beth roedd yn digwydd iddo wedi gadael y fferm. Pleser mawr oedd cael gweld y gwartheg yn cael eu godro a bwydo'r lloeau bach. Diolch yn fawr am y croeso.


Cerdd

Gwaith Cerdd CAYB gyda'r pbone yn cael sylw mewn erthygl (Erthygl Saesneg yn unig): cliciwch yma


Tymor Prysur

Hanner tymor cyntaf wedi hedfan heibio. Hoffem estyn croeso i ddisgyblion newydd yr ysgol, mae pawb erbyn hyn wedi cynefino yn eu dosbarthiadau newydd.
Dymunwn ddiolch i bawb oedd yn ymwneud a chasglu arian i’r ysgol; staff, rhieni ac aelodau o’r gymuned. Mae’r arian wedi ei wario ar offer chwarae y tu allan i’r ysgol gyda’r disgyblion wrth eu boddau yn cael eu defnyddio bob amser egwyl.


Cyngor Ysgol

GryffaloMae aelodau newydd Cyngor ysgol wedi eu dewis, gyda disgyblion awyddus yn llawn barn a syniadau am y flwyddyn i ddod.


Macmillan

GryffaloAr y 6ed o Hydref bu dosbarth Ceint 3 yn brysur iawn yn gwneud cacennau ar gyfer bore Macmillan. Cafodd pob dosbarth gyfle i ddod i gaffi’r ysgol i brynu cacen, roeddynt yn flasus dros ben. Roedd yn fore llwyddiannus iawn gyda £136 wedi ei gasglu at yr achos.


Bocswn

Buodd criw o Ganolfan addysg y bont yn recordio gyda Hogia Bocswn yn ddiweddar. Sgwennwyd can bop gyda'u hathro Gethin Thomas a bellach maer sengl bron yn barod i’w ryddhau. Cafwyd perfformiad yn yr ysgol gyda band llawn cerddorion profiadol. Bu'r criw yn lwcus iawn i gael Wyn Pearson yn chwarae gitâr ar y trac sydd wedi perfformio gyda Dafydd Iwan, Catherine Jenkins ac Alfie Boe. Y gobaith yw bydd y sengl yn cael ei rhyddhau yn y misoedd nesaf.


Gŵyl Goedwig

BBC's main trumpeter Andy Everton came to visit. Andy was playing at a concert with the orchestra in Llandudno and decided to call in at the school to work with children and music teacher Mr Gethin Thomas. Children had the opportunity to play their trombones with Andy and compose classical music.


Diolchgarwch

Cynhaliwyd gwasanaeth Diolchgarwch yn yr ysgol gyda’r disgyblion yn cael cyfle i ddweud beth oeddynt yn ddiolchgar amdano. Roedd nifer o’r disgyblion wedi dod a thuniau bwyd i mewn i’w rhoi i Pantri Pobl Anglesey Food Bank yn Llangefni. Hoffwn ddiolch i’r Parchedig Hywel Davies am alw mewn i’n gweld.

Trombonau

Cafwyd ymweliad gan brif drwmpedwr y BBC sef Andy Everton ar ddechrau’r tymor. Roedd Andy yn chwarae mewn cyngerdd gyda’r gerddorfa yn Llandudno ac mi benderfynodd alw mewn yn yr ysgol i weithio gyda’r plant a’r athro cerdd Mr Gethin Thomas. Bu y plant yn chwarae eu trombonau gyda Andy ac yn cyfansoddi cerddoriaeth glasurol.


Benyounes Quartet

Cafwyd ymweliad hefyd gan y Benyounes Quartet. Pedwarawd llinynnol llwyddiannus iawn yw Benyounes o Lundain. Cafodd y plant bleser o wrando a bod yn rhan o weithdy gyda’r pedwarawd.


Buddsoddwyr Mewn Pobl

Mae Canolfan Addysg Y Bont yn falch iawn o fod wedi ennill safon arian Buddsoddwr Mewn Pobl yn ddiweddar, yn dilyn asesiad allanol. Mae'n braf iawn i gael arbenigedd allanol i gadarnhau fel sefydliad, fod cyfraniad pawb yn cael ei werthfawrogi, a gwerthoedd craidd yn cael eu rhannu. Rhaid i ni gofio bob amser mai ein staff yw adnodd mwyaf gwerthfawr sydd gennym.


Samba!

Mae tymor yr haf yn un prysur iawn i’r adran gerdd. Rydym wrthi'n paratoi ein band Samba I berfformio ar sgwâr Llangefni yn ystod wythnos Gŵyl cefni. Hefyd mae ein Band pres yn perfformio un o ddarnau Grieg mewn cyngerdd yn yr ysgol ar y cyd a Menter Môn.


Gryffalo

GryffaloFel rhan o thema’r tymor ‘Chwarae’, mae Cynradd 1 wedi bod yn brysur yn creu mygydau Gryffalo ar ôl clywed y stori yn y cwtsh yn y dosbarth. Ar ôl creu eu mygydau, aethant ati wedyn i addurno Gryffalo mawr a llygoden fach i'r wal.


Sioe Joseff

Mae Ceint 3 wedi bod yn hynod o brysur dros yr wythnosau diwethaf yn gwneud brechdanau bacwn a selsig i werthu i’r staff. Gyda’r elw aeth y criw draw i Venue Cymru, Llandudno i weld y sioe Joseff, roedd pawb wedi mwynhau yn fawr iawn.


Diwrnod Trwyn Coch

Diwrnod Trwynau CochAr Ddydd Gwener 13 Mawrth bu pawb yn yr ysgol yn brysur yn casglu arian i achos da, roedd stondin o gacennau blasus ar werth, disgyblion wedi gwisgo eu dillad eu hunain, a’r staff yn dyfalu ar gêm pwy yw’r babi. Diwrnod prysur iawn gyda phawb wedi mwynhau cyfrannu tuag at achos da.


Cystadleuaeth Gymnasteg

GymnastegCynhaliwyd cystadleuaeth gymnasteg a redir gan Gymnasteg Cymru mewn partneriaeth â'r Rotari a Chwaraeon Anabledd Cymru yn yr ysgol. Daeth disgyblion o ysgolion eraill yr ynys i ymuno yn y cystadlu. Cafwyd llwyddiant ac aeth criw o ddisgyblion i Bala i gystadlu ymhellach. Roedd pawb wedi mwynhau a phawb wedi derbyn ruban neu fedal, da iawn i Kieran Owen a James Edwards am ennill tlws am ddod yn gyntaf yn eu cystadlaethau.

I weld mwy o'r lluniau ar Flickr, cliciwch yma.


Siop Elusen

Unwaith eto eleni roedd criw hŷn yr ysgol yn rhedeg siop elusen am wythnos yng Nghaergybi. Y siop unwaith eto wedi bod yn llwyddiant gyda’r disgyblion yn cael profiad o weithio a rhedeg siop. Diolch i bawb sydd wedi cefnogi'r fenter hon.